ಭೂಮಿಯಿಂದ ಅದೆಷ್ಟು ಎತ್ತರದವರೆಗು ಕಟ್ಟಡಗಳನ್ನು ಅಥವ ಪ್ರತಿಮೆಗಳನ್ನು ನಿರ್ಮಿಸಬಹುದು ಗೊತ್ತೆ..?

ನಿಮಗೆ ಮೊದಲೇ ಹೇಳಿದ ಹಾಗೆ 4000 ವರ್ಷಗಳ ಕಾಲ ಭೂಮಿಯ ಮೇಲೆ ಅತ್ಯಂತ ಎತ್ತರದ ಮಾನವ ನಿರ್ಮಿತ ಕಟ್ಟಡವೆಂದು ಹೆಸರುವಾಸಿಯಾಗಿದ್ದು ಈಜಿಪ್ಟಿನ “ಪಿರಾಮಿಡ್” ಗಳು. ಇದರ ದಾಖಲೆಯನ್ನು ಮುರಿಯಲೆಂದು ಭೂಮಿಯ ಬೇರೆ ಬೇರೆ ಸ್ಥಳಗಳಲ್ಲಿ ಅನೇಕ ಕಟ್ಟಡಗಳನ್ನು ನಿರ್ಮಿಸುತ್ತ ಹೋಗಲಾಯಿತು. ಅವುಗಳಲ್ಲಿ “ವಾಷಿಂಗ್ಟನ್ ಮಾನುಮೆಂಟ್” ಕೂಡ ಒಂದು, ಇದು 169 ಮೀಟರ್ ಎತ್ತರವಿದೆ. ಇದನ್ನು 1884 ರಲ್ಲಿ ಅಮೇರಿಕದ ರಾಜಧಾನಿಯಾಗಿರುವ ವಾಷಿಂಗ್ಟನ್ ನಗರದಲ್ಲಿ ಅಮೇರಿಕದ ಮೊಟ್ಟ ಮೊದಲ ಅಧ್ಯಕ್ಷ್ಯರಾದ ಜಾರ್ಜ್ ವಾಷಿಂಗ್ಟನ್ ಅವರ ನೆನಪಿಗಾಗಿ ನಿರ್ಮಿಸಲಾಯಿತು.

ಇದರ ನಂತರ 1889 ರಲ್ಲಿ 324 ಮೀಟರ್ ಎತ್ತರವಿರುವ “ಐಫಲ್ ಟವರ್” ಅನ್ನು ಪ್ಯಾರಿಸ್ ನಲ್ಲಿ ನಿರ್ಮಿಸಲಾಯಿತು. ಇದು ಫ್ರಾನ್ಸ್ ದೇಶದ ಸಂಕೇತವಾಗಿ ವಿಶ್ವವಿಖ್ಯಾತವಾಗಿದ್ದು ಪ್ರಪಂಚದಲ್ಲಿ ಅತಿ ಹೆಚ್ಚು ಪ್ರವಾಸಿಗರು ಭೇಟಿ ಕೊಡುವ ಸ್ಥಳಗಳಲ್ಲಿ ಇದು ಕೂಡ ಒಂದಾಗಿದೆ.

ಇನ್ನು ದುಬೈ ನಲ್ಲಿ ಇರುವ 830 ಮೀಟರ್ ಎತ್ತರದ “ಬುರ್ಜ್ ಕಲೀಫ” ಕಟ್ಟಡವು ಸದ್ಯಕ್ಕೆ ಭೂಮಿಯ ಮೇಲೆ ಮನುಷ್ಯನು ನಿರ್ಮಿಸಲಾಗಿರುವ ಅತ್ಯಂತ ಎತ್ತರದ ಕಟ್ಟಡವಾಗಿದೆ.ಈ ಕಟ್ಟಡ ಅದೆಷ್ಟು ಎತ್ತರವಿದೆಯೆಂದರೆ ಅಕಸ್ಮಾತ್ ಈ ಕಟ್ಟಡದ ಮೆಲಿಂಡ ನೀವು ಜಿಗಿದರೆ ಭೂಮಿಯನ್ನು ತಲುಪಲು 20 ಸೆಕೆಂಡ್ ಗಳು ಬೇಕಾಗುತ್ತವೆ.

ಇನ್ನು ನಮ್ಮ ದೇಶವು ಕೂಡ ಅತ್ಯಂತ ಎತ್ತರದ ಸ್ಮಾರಕವಾದ ಸರ್ದಾರ್ ವಲ್ಲಭಾಯಿ ಪಟೇಲ್ ಅವರ 182 ಮೀಟರ್ ಎತ್ತರವಿರುವ ಏಕತಾ ಪ್ರತಿಮೆಯನ್ನು ನಿರ್ಮಿಸುವ ಮೂಲಕ ತಾವು ಕೂಡ ಪ್ರಪಂಚದಲ್ಲಿ ಇರುವ ಅತ್ಯಂತ ಎತ್ತರದ ಪ್ರತಿಮೆಗಳಲ್ಲಿ ಒಂದನ್ನು ಹೊಂದಿದ್ದೇವೆ ಎಂದು ಜಗತ್ತಿಗೆ ತೋರಿಸಿಕೊಟ್ಟರು.

ಹೀಗೆ ಪಟ್ಟಿ ಮಾಡುತ್ತಾ ಹೋದಂತೆಲ್ಲ ಜಗತ್ತಿನೆಲ್ಲೆಡೆ ಅತ್ಯಂತ ಎತ್ತರದ ಕಟ್ಟಡ ಅಥವ ಪ್ರತಿಮೆಗಳು ಸಿಗುತ್ತವೆ.ಈಗ ನಿಮಗೆ ಹಾಗಾದರೆ ಮನುಷ್ಯನು ತನ್ನ ಬುದ್ದಿಶಕ್ತಿ ಬಳಸಿಕೊಂಡು ಭೂಮಿಯಿಂದ ಅದೆಷ್ಟು ಎತ್ತರದವರೆಗು ಕಟ್ಟಡ ಪ್ರತಿಮೆ ಅಥವ ಮತ್ತಿನ್ನೇನೋ ಒಂದನ್ನು ನಿರ್ಮಿಸಬಹುದು ಎನ್ನುವ ವಿಚಾರವನ್ನು ತಿಳಿಸಿಕೊಡುತ್ತೇವೆ.