ಇವರು ಭಾರತದಲ್ಲಿ ಅತಿ ಹೆಚ್ಚು ಮರಗಳನ್ನು ಬೆಳೆಸಿ ಕಾಡನ್ನು ಉಳಿಸುತ್ತಿರುವವರು..!

ಈ ಜೋಡಿಯು ಕರ್ನಾಟಕದ ಕೊಡಗು ಜಿಲ್ಲೆಯಲ್ಲಿ ತಮ್ಮದೇ ಆದ 300 ಎಕರೆ ಅರಣ್ಯ ಪ್ರದೇಶವನ್ನು ಬೆಳೆಸಿದ್ದಾರೆ. ಆದರೆ ಇವರು ಪಟ್ಟ ಶ್ರಮ ಮಾತ್ರ ಅಷ್ಟಿಷ್ಟಲ್ಲ. ಅಮೆರಿಕದಲ್ಲಿ ಇದ್ದ ಈ ಜೋಡಿಯು ಪರಸ್ಪರ ಪ್ರೀತಿಸಿ ಮದುವೆಯಾದವರು. ಒಂದು ಕಾಡನ್ನು ಬೆಳೆಸಬೇಕು ಎನ್ನುವುದು ಇವರಿಬ್ಬರ ಕನಸಾಗಿತ್ತು. ಅದಕ್ಕೆಂದೆ ಅಮೆರಿಕದ “ಹವಾಯಿ” ಮತ್ತು ಉತ್ತರ ಭಾರತದ “ಉತ್ತರಾಖಾಂಡ” ದಲ್ಲಿ ಸ್ವಲ್ಪ ಜಾಗವನ್ನು ಖರೀದಿಸಿ ಮರಗಳನ್ನು ಬೆಳೆಸಲು ಶ್ರಮ ಪಟ್ಟಿದ್ದರು. ಆದರೆ ನಾನಾ ಕಾರಣಗಳಿಂದ ಇವರ ಕನಸಿಗೆ ಅನೇಕ ದುಷ್ಟ ವ್ಯಕ್ತಿಗಳು ಕಲ್ಲು ಹಾಕಿದ್ದರು. ಇದರಿಂದ ದೃತಿಗೆಡದೆ ಹೇಗಾದರೂ ಮಾಡಿ ತಮ್ಮ ಗುರಿಯನ್ನು ಮುಟ್ಟಬೇಕು ಎಂದು ದಕ್ಷಿಣ ಭಾರತದ ಕಡೆ ಬಂದಾಗ ಇವರ ಕನಸಿಗೆ ಸಹಾಯವಾಗಿದ್ದು ನಮ್ಮ ಕೊಡಗು ಜಿಲ್ಲೆ. ಕೊಡಗು ಜಿಲ್ಲೆಯಲ್ಲಿ ಕೆಲ ಭೂಮಿಯಲ್ಲಿ ಬೆಳೆ ಬೆಳೆಯಲು ರೈತರು ಕಷ್ಟ ಪಡುತ್ತಿದ್ದರು, ಅಲ್ಲಿನ ವಾತಾವರಣವು ಬೆಳೆ ಬೆಳೆಯಲು ತುಂಬಾ ಅಡ್ಡಿ ಮಾಡುತ್ತಿತ್ತು. ಇದರಿಂದ ಭೂಮಿಯನ್ನು ಮಾರಲು ರೈತರು ತುದಿಗಾಲಲ್ಲಿ ಕಾಯುತ್ತಿದ್ದರು. ಇದೆ ಸಮಯದಲ್ಲಿ ಈ ಜೋಡಿಯು ಆ ಭೂಮಿಗಳನ್ನು ಖರೀದಿಸಿ ಅಲ್ಲಿ ಮರಗಳನ್ನು ಬೆಳೆಸಲು ನಿರ್ಧರಿಸಿದರು. ಹೀಗೆ ರೈತರು ನೀಡಿದ ಭೂಮಿಯನ್ನು ಖರೀದಿಸುತ್ತ ಇಂದು ಬರೋಬ್ಬರಿ 300 ಎಕರೆ ಜಾಗದಲ್ಲಿ ಮರಗಳನ್ನು ಬೆಳೆಸಿ ಅನೇಕ ವನ್ಯ ಜೀವಿಗಳಿಗೆ ಆಶ್ರಯವಾಗುವ ಹಾಗೆ ಮಾಡಿದ್ದಾರೆ ಈ ಜೋಡಿಗಳು.